Родительское собрание в новом формате "Взаимодействие школы и семьи"
21.05.2021Пазітыўны погляд на пытанні ўзаемадзеяння школы і сям’і.
Як складваюцца ўзаемаадносіны сям'і і школы? У чым сакрэт добрага выхавання? Якія праблемы выхавання застаюцца нявырашанымі? Якая роля сям’і ў станаўленні дзіцяці? Якая формула сапраўднай бацькоўскай любові? Аб усім гэтым і не толькі ішла размова на выязным бацькоўскім сходзе, што адбыўся ў аг.Селішча 21 мая 2021года.
Дырэктар ДУА “Вязынскі НПК дзіцячы сад-сярэдняя школа” Таццяна Анатольеўна Крот распавяла аб дасягненнях навучэнцаў, перспектывах развіцця ўстановы адукацыі, новых падыходах да вучэбна-выхаваўчага працэсу, пошуку аптымальных формаў сумеснай працы школы і сям'і ў інтарэсах дзіцяці.
На бацькоўска - педагагічны форум быў запрошаны старшыня Вязынскага сельвыканкаму, які акцэнтаваў увагу законных прадстаўнікоў непаўналетніх на прававых аспектах выхавання, адказнасці, бяспецы ў час правядзення летніх канікул, на сумеснай дзейнасці бацькоў і вучняў, а таксама падзяліўся сакрэтамі ўласнага сямейнага выхавання.
Прадстаўнікі бацькоўскага камітэту акрэслілі актуальнасць наступных задач: павышэнне якасці выхаваўчага асяроддзя; павелічэнне дыяпазону пазітыўных уплываў на развіццё асобы школьніка; паляпшэнне ўзаемаадносін настаўнікаў, бацькоў і дзяцей.
Вырашана ўжо ў чэрвені прыняць удзел у арганізацыі сумеснага забаўляльнага мерапрыемства на тэрыторыі аграгарадка Селішча.
А ў канцы мерапрыемства адміністрацыя школа ўручыла падзякі бацькам за добрае выхаванне дзяцей і актыўны ўдзел у жыцці школы.
Новы фармат правядзення і падыход да арганізацыі бацькоўскага сходу дазволіў пераадолець унутраныя псіхалагічныя бар’еры асобных бацькоў і быў успрыняты ўдзельнікамі як канструктыўны дыялог у пошуку адказаў на актуальныя пытанні выхавання школьнікаў.